Монголын загварын ертөнцөд анхны төрийн дээд одон медалийг Азийн топ модель Болормаа авсан билээ. Тэрээр монголын загварын ертөнцийн шинэ цагийн түүхийг гардан бичилцсэн хүний хувьд хийсэн бүтээснээ төрдөө үнэлүүлж, Алтан гадас одонгоор энгэрээ мялаасан. Азийн топ модель Болормаа 1990 оноос анх загвар өмсөж 1995 оны гоёл наадмын шилдэг загвар өмсөгч болж Монголын загварын ёртөнцөд цахиур хагалж байжээ. Үүнээс хойш 2001 онд загвар өмсөгч Одгэрэлийн хамт топ модель болж, үүнтэйгээ ихэрлүүлэн Азийн топ моделоор өргөмжлөгдөж байлаа. Тэрээр зөвхөн загвар өмсөөд зогсоогүй шилдэг загвар өмсөгчдийг төрүүлэхийн тулд Монгол модель агентлаг байгуулан 3000 гаруй шавь нараа бэлтгэн сургажээ.Түүний шавь нараас нь Монголдоо төдийгүй Азидаа данстай загвар өмсөгчид олон төрсөн юм.
0 comments:
Post a Comment